Erediens begin 09:00 elke Sondagoggend
Almal word hartlik genooi vir koffie/tee na die diens onder die afdak
Kleuterkerk vir voorskool kinders van 2 – 6jaar tydens erediens,
in die kantoorblok
Kinderkerk vir Gr 1 tot 6 en junior kategese tydens die erediens, in die saal.
Geen Kategese tydens skoolvakansies nie
Senior Kategese vir Gr 7 – 11 ná die erediens
Geen Kategese tydens skoolvakansies nie
Vir enige navrae kontak gerus die kerkkantoor by 012 335 0611 | 067 723 5359 | kerkkantoor@ngmootvallei.co.za
Ons Missie
‘n Tuiste waar:
- God verheerlik word
- ons mekaar versorg
- ons vir die gemeenskap omgee en hoop bring.
Afkondigings
Brokkie uit die Bybel
’n Graf: die poort na Kanaän
Gen 23:19-20:
“Daarna het Abraham sy vrou Sara begrawe in die Makpelagrot op die stuk grond, oos van Mamre, dit is Hebron in Kanaän. So het die stuk grond met die grot daarop uit die hande van die Hetiete oorgegaan na Abraham as begraafplek wat aan hom behoort.“
Sarai, Abraham se vrou, het gesterf op die ouderdom van 127 jaar. Maar Abraham het ‘n probleem gehad: Hy het geen grond in Kanaän besit waar hy haar kon begrawe nie. Alhoewel die land deur God aan hom belowe is, het hy sy hele lewe lank daar gewoon as ‘n “vreemdeling en bywoner.” Daarom het hy met die Hetiete onderhandel om ‘n stuk grond as ‘n begraafplaas te koop. Daar het hy Sarai begrawe.
Die enigste stuk grond wat Abraham dus in die beloofde land besit het, was ’n graf. Op ‘n simboliese manier was daardie graf ’n teken dat die hele land eendag aan sy nageslag sou behoort.
Vir ons as Nuwe Testamentiese gelowiges is daar ook ’n graf in Kanaän – maar dit is ’n leë graf: die graf van ons Here Jesus Christus. En hierdie leë graf is vir ons wat glo die simboliese teken, die waarborg, dat die hemelse Kanaän aan ons behoort.
Christus se graf het die poort geword na die werklikheid van God se koninkryk. Hy was die Eerste wat deur daardie poort gegaan het – en lewend aan die ander kant uitgekom het. Daarom weet ons: ons eie graf is nie die einde van die pad nie. Nee, dit is ’n deur wat heerlik oopswaai – na ’n erfdeel wat nie vergaan of verwelk nie, wat in die hemele bewaar word vir ons (1 Pet. 1:4).
Mag ons telkens wanneer ons Paasfees vier, deur die sterwe en opstanding van Jesus herinner word aan die pand wat ons hierdie kant van die graf het: Jesus se leë graf, wat vir ons die blye versekering bied dat, alhoewel ons hier op aarde slegs vreemdelinge en bywoners is (1 Pet 2:11), ons in werklikheid burgers van die hemel is, met die heerlikheid van die hemelse Kanaän wat vir ons wag. Jesus se leë graf is die poort daarheen.
Ds Wouter de Vos
Bedienings
012 335 0611 | 067 723 5359 | kerkkantoor@ngmootvallei.co.za